जुम्ला। चन्दननाथ नगरपालिका जुम्लाकी मेयर कान्तिका सेजुवाल नेपालि कांग्रेस जुम्ला को सातौं महाधिवेशनमा अत्यधिक मतले विजयी भएकी छन्।
कांग्रेसको १४ औं महाधिवेशन प्रतिनिधिका लागि ४ जना खुला महिला केन्द्रिय महाधिवेशन प्रतिनिधिमा संस्थापन पक्षबाट सेजुवालले ५ सय १२ मत ल्याएर खुला महिला केन्द्रिय प्रतिनिधिमा विजयी भएको निर्बाचन मण्डलले घोषणा गरेको छ। खुला महिलामा सेजुवाल लगायत भगवति श्रेष्ठ ४ सय ८१, पुन्नकली महतारा ४ सय ४७, गिता शाहि ४ सय ४६ मत ल्याएर विजयी भएका छन्।
त्यसैगरी संस्थापन पक्षकै ललिजंग शाहि सबैभन्दा बढि ५ सय १५ मत ल्याएर खस आर्य पुरुष तर्फको केन्द्रिय महाधिवेशन प्रतिनिधिमा निर्बाचित भएका छन्। खस आर्य पुरुष ४ जनामा जयहरी आचार्य ५ सय, पदम बहादुर शाहि ४ सय ७०, लक्ष्मीप्रसाद आचार्य ४ सय १२ मत ल्याई विजयी भएका छन्। २५ जना केन्द्रिय महाधिवेशन प्रतिनिधिमा देउवा पक्षका ८ निर्बाचित भएको कंग्रेस जुम्लाले जनाएको छ।
खस आर्य महिलातर्फ ४ जनामा उमा बुढा ४ सय २३, दिलकुमारि हमाल ४ सय २२, उर्मिला खत्री ४ सय ५९ र राम देबि खड्का ४ सय ७३ मतले विजयी भएकी छन्। विजयी सबै पौडेल पक्षका हुन्।
दलित १ जना केन्द्रिय प्रतिनिधिमा श्रीकृष्ण कामी विजयी भएका छन् भने दलित केन्द्रिय प्रतिनिधि महिला १ जनामा लक्ष्मी कामी विजयी भएकी छ्न्। अपांग केन्द्रिय प्रतिनिधि १ जनामा बिष्णु बहादुर शाहि ४ सय ५७ मतले विजयी भएका छन्, सोहि पदका लागि नरबिर रावतले ४ सय ३३ मत ल्याएका थिए। देउवा समुहबाट केन्द्रिय महाधिवेशन प्रतिनिधिमा ८ जना बाहेक सबै पौडेल पक्षका विजयी भएका हुन्।
जिल्ला कार्यसमिति जुम्लामा भने देउवा पक्षका कर्ण बहादुर शाहि ५ मतले जिल्ला पर्टि सभापतिमा बुधबार निर्बाचित भैसकेका छन्। संस्थापन तर्फ ४ जना सदस्य र एकजना सभापति बाहेक सबै पौडेल पक्षका विजयी भएका थिए।
