काठमाडौँ। नेकपा (एकीकृत समाजवादी) का अध्यक्ष माधवकुमार नेपालले कलाकारहरूलाई समावादको लक्ष्य बोकेर अघि बढ्न निर्देशन दिनुुभएको छ।
शुक्रबार राष्ट्रिय जनसाँस्कृतिक महासंघ, समाजवादीले आयोजना गरेको देउसी–भैलो कार्यक्रममा बोल्दै अध्यक्ष नेपालले उक्त निर्देशन दिनुभयो। । महासंघका अध्यक्ष कृपाराम शर्माको नेतृत्वमा कोटेश्वर पुुगेका कलाकारहरूलाई सम्बोधन गर्दै अध्यक्ष नेपालले उक्त निर्देशन दिनुभएको हो।
उहाँले अगाडि भन्नुभयो,‘यो घर बनाएदेखि नै कलाकारहरूले देउसी भैलो खेल्दै आउनुभएको छ। यो वर्ष पनि तपाईँहरु आउनुभयो। यस अवसरमा म कलाकार साथीहरुलाई भन्नुु चाहान्छु, तपाईँहरु समाजवादको लक्ष्य बोकेर अघि बढ्नुहोस्। हाम्रो पार्टीले पारित गरेको समाजवादी कार्यक्रमलाई थप बलियो ढंगले लागुु गर्नका निम्ति तपाईँहरुको साथ र आवश्यक छ।’
उक्त कार्यक्रममा पार्टीका केन्द्रीय सचिव शेरबहादुर कुँवर, पोलिटब्यूरो सदस्य प्रेमलकुमार खनाल, गायक भद्र वली, गायिका लक्ष्मी आचार्यलगायतका कालाकारहरूको उपस्थिति रहेको थियो।
