काठमाडौँ। नेपालका पूर्वकप्तान ज्ञानेन्द्र मल्ल नेपाल प्रिमियर लिग (एनपीएल) को फ्रेन्चाइज टोली कर्णाली याक्सको मुख्य प्रशिक्षक तथा निर्देशकमा नियुक्त भएका छन्।
कर्णालीले सोमबार एक पत्रकार सम्मेलन गर्दै उक्त जानकारी दिएको हो। कर्णालीको स्वामित्व हिमालयन बिल्डर्स एन्ड इन्जिनियर्सले लिएको छ। ज्ञानेन्द्रले गतवर्ष नेपाली टोलीबाट सन्न्यास लिएका थिए।
नेपाली क्रिकेट इतिहासका एक सफल ब्याटर उनी पटक पटक फ्रेन्चाइज लिगमा प्रशिक्षक बनेका हुन् । गत फागुनदेखि उनी नेपाल ए को प्रशिक्षक हुन्। क्रिकेट एकेडेमीमा प्रशिक्षण दिएको लामो अनुभव पनि छ।
कर्णालीले आफ्नो लोगो पनि सार्वजनिक गरेको छ । नाम कर्णाली एक्स राखिएको छ। लोगोमा पनि एक्सको राखिएको छ। हिमालयन बिल्डर्सले देश तथा विदेशमा निर्माणको काम गर्दै आएको छ । कर्णालीको मार्की खेलाडीमा सोमपाल कामी छन् ।
