काठमाडौँ। हिन्दुनारीहरूको महान चाड तीज नजिक आउँदै गर्दा तीजगीतहरू पनि बजारमा आउन थालेका छन्।
चेलीको बेदना पोख्न खास गीतहरु कोर्ने गरिन्छ। यही क्रममा तीजगीतलाई समेटेर ‘मायाले त होला’ गीत बजारमा आएको छ। भागिरथ चलाउनेको आफ्नै अफिसियल युट्युव च्यानलबाट बजारमा आएको हो।
भागिरथ चलाउनेले यो गीतलाई कोरेका छन् भने लय पनि उनले नै बनाएका छन्। झमझम झुम्कना तीजगीतबाट आफ्नो नाम झन् उचाइमा पुर्याएका चलाउनेले यसपाली पनि सुनिता बुढासँगै आफ्नै स्वर भरेका छन्।
गीतलाई म्युजिक एरेन्ज भने विनोद बाजुरालीको रहेको छ। स्टुडियो मालश्रीमा रेकड भएको गीतलाई सागर बाजुराली र गोबिन्द पराजुलीले रेकडिङ्ग र खडक बाजुरालीले मिक्सिङ्ग गरेका छन्।
मौसम हिमालीको निर्देशन, राजेश घिमिरेको क्यामराबाट तयार भएको भिडियोलाई नविन घर्ति मगरले सम्पादन गरेका छन्। सरिता र अन्मेशको मेकअप रहेको छ। भिडियोमा भागिरथ चलाउने र अञ्जना बराइलिको दमदार डान्स रहेको छ।
भिडियो हेर्नुहोस्
