काठमाडौँ। नेकपा (एकीकृत समाजवादी) का अध्यक्ष माधव नेपाल र सम्मानित नेता झलनाथ खनालले समाजवादी प्रेस संगठन नेपालको नवनिर्वाचित नेतृत्वलाई सम्मान गरेका छन्।
पार्टीको प्रचार विभागले सोमबार केन्द्रीय कार्यालय आलोकनगरमा आयोजना गरेको सम्मान कार्यक्रममा संगठनका नवनिर्वाचित अध्यक्ष विश्वमणी सुवेदी,उपाध्यक्षहरू,महासचिव,उपमहासचिव,सचिव,कोषाध्यक्ष र केन्द्रीय सदस्यहरूलाई अध्यक्ष नेपाल र सम्मानित नेता खनालले बधाई तथा शुभकामना दिएका छन्।
यहि जेठ २६ र २७ गते काठमाडौँमा सम्पन्न संगठनको प्रथम राष्ट्रिय महाधिवेशनबाट नयाँ नेतृत्व चयन भएको छ।
