सुर्खेत। कालिकोटको शुभकालिका गाउँपालिकामा जिप दुर्घटना हुँदा तीन जनाको मृत्यु भएको छ।
शुभकालिका गाउँपालिका ६ चिसापानीस्थित बेहुली पानतडी सडकखण्डको चौकी बजारबाट हाउडीतर्फ जाँदै गरेको लु १ च ८४९८ नम्बरको जिप शनिबार राति साढे ११ बजे दुर्घटना भएको हो।
दुर्घटनामा जिपका चालक शुभकालिका, २ भर्ताका ३० वर्षीय हर्के कामी, वडा नं. ८ का ३१ वर्षीय रामबहादुर शाही र दैलेख नौमुलेका २५ वर्षीय गोपाल सलामी मगरको मृत्यु भएको जिल्ला प्रहरी कार्यालयले जानकारी दिएको छ।
जिप सडकबाट १५० मिटर तल खसेको छ। दुर्घटना के कसरी भएको हो भन्नेबारे खुलेको छैन। अनुसन्धान सुरु गरिएको प्रहरीले जनाएको छ।
