काठमाडौँ। कालिकोटमा जिप दुर्घटना हुँदा २ जनाको मृत्यु भएको छ।
उक्त घटनामापरि एक जना गम्भीर घाइते भएका छन्। रास्कोट नगरपालिकाबाट सरमुकाम मान्मा जाँदै गरेको ग३च ४६१० नम्बरको जिप रास्कोटकै सेरा बसपार्क नजिकै दुर्घटना भएको हो।
दुर्घटनामा ४३ वर्षीय मनबहादुर शाही र ३६ वर्षीया मनकुमारी शाहीको मृत्यु भएको जिल्ला प्रहरी कार्यालय कालीकोटका डीएसपी जयश्वर रिमालले जानकारी दिए।
जिपमा तीन जना सवार थिए। एक जना गम्भीर घाइते छन्। जिप सडकबाट करिब ३०० मिटर तल खसेको छ। मोड्ने क्रममा दुर्घटना भएको भन्ने जानकरी आए पनि थप अनुसन्धान भइरहेको डिएसपी रिमालले बताए।
