काठमाडौँ। क्रिकेट विश्वकप लिग २ का लागि नेपाल र युएईबीच कडा प्रतिष्पर्धा हुने भएको छ।
अन्तर्राष्ट्रिय क्रिकेट रंगशाला किर्तिपुरमा हुने आजको खेलमा दर्शकहरूको बाग्लो उपस्थिति रहने अनुमान गरिएको छ। उक्त अवस्थालाई ध्यानमा राखेर सुरक्षा व्यवस्था कडा पारिएको छ।
गत फागुन २८ मा यूएईमाथि १७७ रनको कीर्तिमानी जित निकालेको नेपालले आजको खेल पनि सहज तरिकाले विजयी गर्ने लक्ष्य राखेको छ। एकदिवसीय अन्तर्राष्ट्रिय (ओडीआई) मान्यता जोगाएको नेपालले आजको खेल जितेमा सिधै विश्वकप छनोटमा पुग्ने छ।
