काठमाडौँ। नेकपा (एमाले) निकट अनेरास्ववियु आरआरले स्ववियु निर्वाचनका लागि टिम घोषणा गरेको छ।
अनेरास्ववियुका केन्द्रीय सदस्य मदन भण्डारीको नेतृत्वमा टिम घोषणा गरेको हो। स्वतन्त्र विद्यार्थी युनियन (स्ववियु) को आसन्न निर्वाचनका लागि अनेरास्ववियुले आरआर क्याम्पसका चर्चित विद्यार्थी नेता भण्डारीको नेतृत्वमा उपसभापतिमा लोकेश कुमार खड्का, सचिवमा दिलिप खड्का, कोषाध्यक्षमा जन्मराज न्यौपाने (राज), सह-सविचमा गीता महरलाई अघि सारेको छ।
त्यस्तै सदस्यहरूमा सुशिल खनाल, जज्ञानन्द राय यादव, विष्णुमाया श्रेष्ठ, दक्षराज शाही, विमला खतिवडा, धन रावत, एलेन परियार, प्रकाश जैशी रहेका छन्।
सभापति उम्मेदारका निम्ति संगठनका स्थायी कमिटी सदस्य धर्म न्यौपानेलगायतका नेताहरूको दाबी रहेपनि अनेरास्ववियुले आरआरको स्ववियु सभापतिमा नेता भण्डारीलाई टिकट दिएको छ।
