कालिकोट। नेकपा (एकीकृत समाजवादी) ले तय गरेको दुई महिने अभियानका क्रममा नरहरिनाथ गाउँ कमिटीको बैठक सम्पन्न भएको छ।
त्यस्तै देवीसरा शाहीको नेतृत्वमा १५ सदस्सयी अनेमसंघ (समाजवादी) नरहरिनाथ गाउँपालिका कमिटी गठन भएको छ। नेकपा (एकीकृत समाजवादी) का केन्द्रीय सदस्य तुलराज सिम्खडाको प्रमुख आतित्थ्यतामा सम्पन्न गाउँकमिटीको भेलाले अनेमसंघ (समाजवादी) को गाउँकमिटी गठन गरेको हो।
पार्टीको केन्द्रीय दुई महिने अभियान अन्तरगत केन्द्रीय सदस्य सिम्खडा नरहरिनाथ गाउँपालिका पुगेका छन्। पार्टीलाई गतिशील बनाउन, जनतास्तरमा पार्टीका विचार, सिद्धान्त, कार्यक्रमलाई जानकारी गराउन र संगठनलाई तीव्रता दिन उक्त अभियान सुरु गरिएको पार्टीका केन्द्रीय नेता सिम्खडाले बताएका छन्।
बिहिबार गाउँ कमिटी अध्यक्ष कर्ण बहादुर बुढाको अध्यक्षतामा सम्पन्न भेलाले गापाका ९ वटै वडामा अभियान सञ्चालन गर्ने निर्णय गरेको छ।
साथै पार्टीका स्थानीय कमिटीको अध्यावधि गर्ने, कमिटीको पुर्नगठन गर्ने, जस्ता कार्यहरु सञ्चालन गरेको कार्यक्रम आयोजकले जानकारी दिएको छ। पार्टीका कर्णाली प्रदेश सदस्य तथा गापाका इन्चार्ज धीरबहादुर बिष्ट, हर्क बुढा, राजेन्द्र बुढालगायतका नेताहरुले मन्तव्य राखेका थिए।
