काठमाडौं। नेपाल क्रिकेट संघ (क्यान)ले सन्दीप लामिछानेलाई यूएई लैजान राष्ट्रिय खेलकुद परिषद् (राखेप)लाई पत्र पठाएको छ । क्यानका क्रिकेट म्यानेजर विनोद दाशका अनुसार राखेपमा सन्दीपलाई विदेश लैजाने कुरामा पहल गरिदिन अग्रह गर्दै पत्र पठाएको हो ।
नेपालले विश्वकप लिग २ अन्तर्गत यूएईमा त्रिकोणात्मक सिरिज खेल्दैछ । त्यसैले लागि क्यानले सन्दीपलाई पनि लैजाने प्रयास गर्दैछ । तर, सन्दीपलाई देशबाहिर जान नपाउने शर्तसहित सर्वोच्च अदालतले रिहा गर्न आदेश दिएको थियो ।
विनोद दाशका अनुसार अब राखेपले अदालतसँग आग्रह गरेमा सम्भव सन्दीपको युएई टुर सम्भव हुनसक्ने छ । क्यानले सन्दीपलाई विदेश जान पाउनुपर्ने मागसहित क्यानले सर्वोच्चमा समेत निवेदन दिइसकेको बताइएको छ ।
