काठमाडौँ। नेता घनश्याम भुसाल आज नेकपा एकीकृत समाजवादीमा पार्टी प्रवेश गर्दै छन्।
मंसिर ४ गतेको प्रतिनिधि सभा निर्वाचनमा उम्मेदवार बन्न टिकट नपाएपछि नेकपा एमाले त्यागेका नेता भुसा आज नेकपा (एकीकृत समाजवादी) पार्टी प्रवेश गर्न लागेका हुन्।
पार्टी प्रवेशबारे उनले आज शुक्रबार २ बजे पत्रकार सम्मेलन गरी त्यसबारे जानकारी गराउन लागेका छन् । नेकपा एसका एक नेताका अनुसार उनलाई पार्टीको महासचिवको जिम्मेवारी दिने करिब सहमति बनेको छ ।
निर्वाचनमा उनलाई नेकपा (माओवादी केन्द्र) ले आफ्नो भागको टिकट दिएर चुनाव लडाए पनि उनी सफल हुन सकेनन् । माओवादी केन्द्रले भुषाललाई आफ्नो दलमा भित्र्याउने प्रयास गरे पनि अन्ततः उनी एकीकृत समाजवादीमा प्रवेश गर्न लागेका हुन् ।
