सुर्खेत । अखिल (क्रान्तिकारी) मध्यपश्चि विद्यालय राष्ट्रिय समितिको आयोजनामा अन्तरसंकाय स्तरीय प्रथम क्रान्तिकारी भलिबल प्रतियोगिता सम्पन्न भएको छ।
बिहिबार र शुक्रबार दुईदिन चलेको भलिबल प्रतियोगिताको उपाधि ग्राजुयट स्कुल अफ लले जितेको छ। त्यस्तै सेन्टर डिपार्टमेन्ट अफ कम्प्युटर इन्जिनियरिङ उपविजेता बनेको छ। प्रतियोगितामा १० वटा टिमले भाग लिएको आयोजकले जनाएको छ।
मप विश्वविद्यालय राष्ट्रिय समितिका सचिव दीपेन्द्रजंग शाहीका अनुसार प्रतियोगिता पुस २० र २१ गते दुई दिनसम्म सञ्चालन भएको थियो । विजेता, उपविजेता र विभिन्न विधामा खेलाडीहरुलाई सम्मान गरिएको थियो।
खेलकुद स्वास्थ्य र राष्ट्रका लागि महत्वपूर्ण रहेको र अखिल (क्रान्तिकारी) ले यस प्रकारका आयोजनाहरु आगामी दिनहरुमा पनि सञ्चालन गर्ने शाहीले कर्णाली सन्देशलाई जानकारी दिएका छन्।
