काठमाडौँ। नेपालमा थप १७३ जनामा कोरोनाभाइरसको सङ्क्रमण पुष्टि भएको छ।
२ हजार ८३९ जनाको कोरोना परीक्षण गर्दा पीसीआर विधिबाट ६५ तथा एन्टीजेन विधिबाट १०८ जनामा सङ्क्रमण पुष्टि भएको हो।
स्वास्थ्य तथा जनसङ्ख्या मन्त्रालयका अनुसार पछिल्लो २४ घण्टामा ३ सय ९६ जना सङ्क्रमणमुक्त पनि भएका छन्। योसँगै देशभर सक्रिय सङ्क्रमितको सङ्ख्या ३ हजार ६१२ पुगेको छ। यही अवधिमा थप ४७ हजार १५२ जनाले कोरोनाविरुद्धको खोप लगाएका छन्।
