कोहलपुर। युवा समाजसेवी वासुदेव ढकालले आफ्नो जन्मदिनको सुअवसरमा कोहलपुरको एक आश्रमलाई आर्थिक सहयोग प्रदान गरेका छन्।
विभिन्न सामाजिक कार्यहरूमा सक्रियताका साथ संलग्न रहँदै आएका कोहलपुर-१२, मसुरीखेत निवासी युवा समाजसेवी ढकालले कोहलपुर-५ मा अवस्थित निलसागर सेवाश्रमलाई आर्थिक सहयोग गरेका हुन्।
होटल, पार्टीप्यालेसहरूमा मदिरा र नशालु पदार्थ सेवन गरी जन्मदिन मनाउने युवाहरूको भन्दा भिन्न काम गर्ने इच्छानुसार आफू जिल्लाबाहिर रहेतापनि आफ्नै ठाउँको आश्रमका वृद्ध आमाबुवासँगै आफ्नो जन्मदिन मनाएको आभाष गर्न आश्रमलाई आर्थिक सहयोग गरेको उनले बताए।
ढकालले कर्णालीसन्देश डटकमका फोटोपत्रकार दिपेन्द्र (लामिछाने) हमालमार्फत ४ हजार रूपैयाँ आश्रमलाई सहयोग गरेका हुन्।
