काठमाडौँ। चन्द्रागिरि निर्त्य कलाकर्मी संघले नवनिर्वाचित स्थानीय तहका जनप्रतिनिधिहरुलाई बधाई तथा सम्मान कार्यक्रमको आयोजना गर्ने भएको छ।
संघले जेष्ठ २६ गते बिहिबार गुर्जुधारास्थित त्रिशक्ति पार्टी प्यालेसमा नवनिर्वाचित स्थानीय तहका जनप्रतिनिधिहरुलाई बधाइ, शुभकामना साथै दृष्टिबिहिनलाई बिशेष सम्मान गर्ने कार्यक्रम रहेको संघका सचिव सुमन पोखरेलले जानकारी दिएका छ्न्।
बिहान ७:३० बजे देखि सुरु हुने उक्त कार्यक्रममा चन्द्रागिरी नगरपालिकाका प्रमुख, उपप्रमुख, १ देखि १५ वडासम्मका सबै निर्वाचित वडा अध्यक्षलगायत वडा सदस्यहरुलाई बधाई तथा शुभकामना दिनुको साथै दृष्टिबिहिन कान्छा श्रेष्ठलाई बिशेष सम्मान गर्ने कार्यक्रम रहेको छ।
