काठमाडौँ। समाजवादी प्रेस संगठन नेपाल रुकुम पश्चिमको नयाँ नेतृत्व चयन गरिएको छ।
आज सदरमुकाम मुसीकोटमा भएको संगठनको भेलाले भरत चन्दको अध्यक्षतामा १७ सदस्यीय जिल्ला कमिटी निर्माण गरेको हो। जसको उपाध्यक्षमा क्षितिज विश्वकर्मा, महिला उपाध्यक्षमा पुष्पा ओली, सचिवमा टेकराज पुन, सह सचिवमा होमजंग बस्याल र कोषाध्यक्षमा कमल भुषाल रहेका छन्।
भरत चन्दको अध्यक्षतामा भएको भेलामा नेकपा एकीकृत समाजवादीका जिल्ला अध्यक्ष विमलकुमार पुनको प्रमुख र समाजवादी प्रेस संगठन नेपालका केन्द्रीय सदस्य अमरराज पुनको विशेष आतिथ्यता रहेको थियो। त्यस्तै भेलामा नेकपा एकीकृत समाजवादीका कर्णाली प्रदेश सदस्य पुस्तक चन्द, जिल्ला सचिवालय सदस्यहरु रविन्द्रकुमार बिष्ट र प्रजित बोहराको पनि आतिथ्यता रहेको थियो।
समाजवादी प्रेस संगठन नेपाल कर्णाली प्रदेश सदस्य खिमानन्द शर्माको स्वागत मन्तव्य रहेको भेलाको संचालन टेकराज पुनले गरेका थिए।
