काठमाडौँ। नेकपा (माओवादी केन्द्र) ले सात सदस्यीय अध्यक्ष मण्डल बनाएको छ।
अध्यक्ष मण्डलमा कृष्णबहादुर महरा, गिरिराजमणि पोखरेल, गणेश साह, परशुराम तामाङ, परशुराम रम्तेल, पूर्णाकुमारी सुवेदी र रूपा श्रेष्ठ महर्जन रहेका छन्।
आइतबार महाधिवेशन उद्घाटन गरेको माओवादीले आज काठमाडौंको कमलादीस्थित प्रज्ञा प्रतिष्ठानमा बन्दसत्र सुरु गरेको छ। बन्दसत्रमा नेता प्रचण्डले प्रतिवेदन वाचन गरेका छन्। यसपछि विभिन्न २८ समूहमा प्रतिनिधिले छलफल गर्नेछन्।
