सभापतिमा देउवा निर्वाचित



काठमाडौँ। नेपाली कांग्रेसको सभापतिमा शेरबहादुर देउवा दोस्रोपटक निर्वाचित भएका छन्।

मंगलबार भएको दोस्रो चरणको मतदानमा डाक्टर शेखर कोइरालालाई ९०७ मतान्तरले पराजित गर्दै देउवा दोस्रो कार्यकालका लागि सभापति चुनिएका हुन् ।

दोस्रो चरणको मतदानमा ४ हजार ६२३ मत खसेको थियो र सभापतिमा निर्वाचित हुन बहुमत अर्थात २३११ मत चाहिन्थ्यो।

देउवाले २७३३ मत पाए भने निकटतम प्रतिद्वन्द्वी कोइरालाले १८५५मत पाएका छन्। ३५ मत भने बदर भएको छ।