काठमाडौँ। नेकपा माओवादी केन्द्र निकट योङ कम्युनिस्ट लिग (वाइसीएल) नेपालको केन्द्रीय समितिको नेतृत्व चयनका लागि प्रचण्डको उपस्थिति आवश्यक परेको छ।
मंगलबार भदौ १२ देखि १५ सम्म सम्पन्न भएको राष्ट्रिय भेलाले चयन गरेको नयाँ केन्द्रीय समिति सदस्यहरुको पहिलो बैठक बस्न लागेको हो। बैठक वत्तिसपुतलीस्थित अनुपम फुडल्याण्डमा बस्दैछ।
बैठकले अध्यक्ष लगायतका पदाधिकारीहरु चयन गर्नेछ। १५ गते सम्पन्न भेलाले २३१ सदस्यीय केन्द्रीय समितिमध्ये २०४ जना निर्विरोध निर्वाचित गरेको थियो। वाईसीएल बैठकमा माओवादी केन्द्रका अध्यक्ष पुष्पकमल दाहाल ‘प्रचण्ड’समेत सहभागी हुने बुझिएको छ।
