काठमाडौं। नेकपा (एकीकृत समाजवादी) ले पार्टीको प्रवक्तामा जगन्नाथ खतिवडालाई चयन गरेको छ।
पार्टीका गतिविधि अगाडि बढाउन नेताहरूलाई जिम्मेवारी बाँडफाँड गर्ने क्रममा पार्टीको प्रचार विभाग प्रमुखको जिम्मेवारी नेता खतिवडाले पाएका हुन्।
पार्टी प्रवक्ता चयन भएसँगै उनले सामाजिक सञ्जालमार्फत खुशी व्यक्ति गर्दै सुझाव सल्लाहको अपेक्षासमेत गरेका छन्। उनले आइतबार सामाजिक सञ्जाल फेशबुकमा लेखेका छन्, ंनेकपा (एकीकृत समाजवादी) को बैठकले मलाई प्रचार बिभागको प्रमुखको जिम्मेवारी प्रदान गरेको छ। आभारी छु। सबै मित्रहरुबाट सुझाब र सहयोगको अपेक्षा गर्दछु।’
नेकपा एमालेमा प्रचार विभाग प्रमुखले नै पार्टी प्रवक्ताको जिम्मेवारी सम्हाल्ने अभ्यास अनुसार एकीकृत समाजवादीमा पनि सोही अभ्यास हुने एक नेताले बताए। जसअनुसार अब एकीकृत समाजवादीको प्रवक्ताको जिम्मेवारी नेता खतिवडाले सम्हाल्ने छन्।
गत शुक्रवार जारी एकीकृत समाजवादी पार्टीको अन्तर पार्टी निर्देशन (अपानि) मा खतिवडालाई प्रवक्ताको जिम्मेवारी दिइएको जनाइएको छ। खतिवडाले नेकपा एमालेमा हुँदा पोलिटब्यूरो सदस्यसम्मको जिम्मेवारी पाएका थिए।
