कालिकोट। जिल्लाको शान्नीत्रिवेणी गाउँपालिका २ अन्तर्गत कर्णाली करिडोरको आम्तडामा भएको जीप दुर्घटनाका घाइतेको हेलिकोप्टरमार्फत सुर्खेत रिफर गरिएको छ।
दुर्घटना परी घाइते भएका मध्य रास्कोट नगरपालिका वडा नं ९ कि १८ वर्षीया लक्ष्मी बराल र २४ वर्षीय टेक लुवारलाई थप उपचारका लागि हेलिकोप्टरमार्फत सुर्खेत लगिएको हाे।
जिल्ला अस्पताल कालिकोटका डा.अप्सरा हमालले दुर्घटनाका घाइते मध्य लक्ष्मी वराल र टेक लुवारको अवस्था गम्भीर भएकाले हेलिकोप्टरमार्फत सुर्खेत पठाएको जानकारी दिएकी छन्।
दुर्घटनामा परी चालकको मृत्यु भएको थियो भने १० जना घाइते भएका छन्। शान्नीत्रिवेणी गाउँपालिकाबाट जिते बजारका लागि छुटेको मानसरोवर रारा कर्णाली यातायातको क १ ज २३ नम्बरको बलेरो जीप आइतबार दुर्घटना भएको थियो।
