काठमाडौं। गायक भुपेन्द्र पुलामी र गायिका रिता बुढाथोकीको युगल आवाजमा प्रतिभा शाहको तीज गीत ‘मरेर लैजानु के छ र’ सार्वजनिक भएको छ।
सञ्चारकर्मी दिपेन्द्र (लामिछाने) हमालको शब्द रचना तथा गायक पुलामीकै लय रहेको उक्त गीतमा गायक तथा एरेन्जर सुरेश शाहीको संगीत संयोजन रहेको छ।
नायक विजय केसीको निर्देशनमा केशवराज भट्टको कोरियोग्राफी, रामसिंह भाटको छायांकन र विरेन्द्र भाटको सम्पादन रहेको उक्त गीतको म्युजिक भिडियोमा नायक केसी र मोडल रियाशा गिरीले अभिनय गरेका छन्। साथै गीतमा देखाइएका केही दृश्यहरुलाई लिएर आलोचना खेप्न सुरु भएका छन्।
कर्णाली सन्देश डटकमका फोटोपत्रकार दिपेन्द्र (लामिछाने) हमाल गीत संगीतमा पनि कलम चलाउँदै आएका छन्। वर्ल्डकभर मिडियाले उत्पादन गरेको उक्त गीतको म्युजिक भिडियो खरो मिडियाको युट्युब च्यानलमार्फत सार्वजनिक गरिएको हो।
भिडियो हेर्नुहोस्:
