काठमाडौं। पछिल्लो समय भेटवार्तालाई तीव्र बनाएका नेपाल कम्युनिष्ट पार्टीका महासचिव ‘विप्लव’ले राप्रपा अध्यक्ष कमल थापालाई भेटेका छन्।
भेटमा केपी शर्मा ओली नेतृत्वको सरकारसँग भएको तीन बुँदे सहमति र समसामयिक विषयमा कुराकानी भएको राप्रपा अध्यक्ष थापाले जानकारी दिएका छन्।
विप्लव नेतृत्वको माओवादीसँग सरकारले गरेको सहमति कार्यान्वयन हुनुपर्ने राप्रपाको धारणा रहेको थापाले उल्लेख गरेका छन्। यसअघि विप्लवले प्रधानमन्त्री एवम् कांग्रेस सभापति शेरबहादुर देउवा, नेकपा एमालेका अध्यक्ष केपी शर्मा ओली, एमाले वरिष्ठ नेता माधव कुमार नेपाल, नेकपा माओवादी केन्द्रका अध्यक्ष प्रचण्ड र जसपा अध्यक्ष डा.बाबुराम भट्टराईसँग पनि छुट्टाछुट्टै भेटवार्ता गरेका थिए।
