काठमाडौँ। नेपाली कांग्रेसका वरिष्ठ नेता रामचन्द्र पौडेलले कार्यकर्ताले नेताको मूल्याङ्कन गर्ने सामर्थ्य राख्नुपर्नेमा जोड दिएका छन्।
बिहिबार सामाजिक सञ्जालमार्फत समाचार सामाग्री सेयर गर्दै उनले पार्टी र नेता बिग्रिनुमा कार्यकर्ताको मूख्य भूमिका रहने बताएका छन्। उनले लेखेका छन्, ‘मैले जहाँ गएर पनि भन्ने गरेको छु। तपाईंहरू नेताले मूल्यांकन गरेन भन्नुहुन्छ। ठीक छ नेताले कार्यकर्ताको मूल्यांकन गर्नुपर्छ। नेताले कार्यकर्ताको मूल्यांकन तब गर्छ जब कार्यकर्ताले नेताको मूल्यांकन गर्छ। कार्यकर्ताले पनि नेताको मूल्यांकन गर्ने सामर्थ्य र क्षमता राख्नुपर्यो।’
उनले अगाडि लेखेका छन्, ‘आजको लोकतान्त्रिक र सुसूचित जमानामा को छ र नजान्ने रु नेता आफैं सरहका हुन् कुनै भगवान होइनन्। लोकतन्त्रको सिद्धान्त भनेको त बराबरीको बीचबाट चुन्ने हो। यो बुझाई भयो भने मात्र राजनीति र नेता दुवै सुध्रन्छन्। आदेशपालकहरूको जमातबाट लोकतन्त्रको विकास पनि हुँदैन। राष्ट्रको उन्नति पनि हुँदैन।’
