देशघाती जोडिको प्रतिरोध गरौं: गगन थापा

काठमाडौं। नेपाली काङ्ग्रेसका नेता गगन थापाले केपी ओली र विद्यादेवी भण्डारीको कदमलाई परास्त गर्न सम्पुर्ण शक्ति प्रयोग गर्नुपर्ने बताएका छन्।

शनिबार सामाजिक संजाल फेशबुकमा लेखेका छन्, “खड्ग ओली र विद्या भण्डारीलाई न संविधान मन परेको थियो,न संसद!विघटन,पुनर्थापित संसदको अपमान,विश्वासको मतको नाटक,७६(३)को सरकार गठन,विश्वास लिनुको सट्टा७६(५)को आव्हान,अनुकुल नभएपछि फेरी विघटन!कस्तो सेटिङ!”

उनले अगाडि लेखेका छन्, “प्रकृया त देखाउन मात्र थियो,यीनको मिसन त संसद र संविधानको हुर्मत लिनु थियो। लिए। सन्की प्रधानमन्त्री र मतियार राष्ट्रपतिले मुलुक अँध्यारो सुरुङमा हालेका छन्।महामारीमा त यस्तो अधर्म गर्न सक्ने देशघाती जोडी यहिं र यत्तिमै रोकिने वाला छैनन्। नेतागण! नअलमलिउँ,खुट्टा नकमाऔं,सचेत नागरिकको साथ लिएर राष्ट्रपति र प्रमको निर्लज्ज कामको सम्पूर्ण शक्तिका साथ प्रतिरोध गरौं।”