सुर्खेत। दाङबाट सल्यानको सल्लीबजारतर्फ जाँदै गरेको ना ५ ख ७७५० नम्बरको बस भेरी नदीमा खस्दा एक जनाको मृत्यु भएको छ। साथै दुर्घटनामा परी दुई जना वेपत्ता भएका छन्।
दाङको बबइ गाउँपालिका ३, का २१ वर्षीय सुमन नेपालीको मृत्यु भएको सुर्खेतका डीएसपी रामप्रसाद घर्तीले जानकारी दिएका छन्। बिहीवार करिब ३ बजे गुर्भाकोट नगरपालिका ९, गरालेस्थित भेरी नदीमा खसेको थियो।
गुर्भाकोट–९ का वडाध्यक्ष शशिराम भट्टराईका अनुसार सल्यान कालीमाटी हुँदै बोटेचौरबाट सल्लीबजार जाँदै गरेको बस दुर्घटना भएको हो। बस नदीमा डुबेकाले बेपत्ताको खोजीमा समय लाग्ने प्रहरीले जनाएको छ।
