वागमतीको मुख्यमन्त्रीमा डोरमणी ‘आउट’, अष्टलक्ष्मि ‘इन’


काठमाडौँ। वागमती प्रदेशका मुख्यमन्त्री डोरमणि पौडेलका विरुद्धमा अविश्वासको प्रस्ताव दर्ता भएको छ।

नेकपा प्रदेश संसदीय दलका उपनेता शालिकराम जमरकट्टेलको अगुवाइमा अविस्वासको प्रस्ताव दर्ता गरिएको हो। ४५ जना सांसदको हस्ताक्षरसहित अविश्वासको प्रस्ताव दर्ता भएको हो। वाग्मती प्रदेशसभामा १ सय १० जना सदस्य रहेकामा ५६ जनाले बहुमत पुग्छ।

पौडलेको मन्त्रिपरिषद्का तीन मन्त्रीले राजीनामा दिएका छन्। राजीनामा दिने मन्त्रीमा अरुण नेपाल, शरद दुलाल र शालिकराम जमकट्टेल छन्।

पुस ५ गते संघीय सरकारका प्रधानमन्त्री केपी शर्मा ओलीले अवैधानिक तवरले संसद विघटन गरेपछि त्यसको असर प्रदेश सरकारमा देखिएको छ।

सत्तारुढ नेकपाकै प्रचण्ड–माधव नेपाल पक्षले पौडेलविरुद्ध अविश्वास प्रस्ताव ल्याएको हो। उनलाई हटाएर नयाँ मुख्यमन्त्रीमा अष्ठलक्ष्मी शाक्यलाई प्रस्ताव गरिएको छ। ४५ जना प्रदेश सभासदस्यहरुले हस्ताक्षरसहित मुख्यमन्त्री पौडेलविरुद्ध अविस्वास प्रस्ताव दर्ता गरेका हुन्। यो प्रदेशमा नेकपाका ८० सांसद छन्।

आजै बागमती प्रदेश सरकारका तीन मन्त्रीले राजीनमा दिएका छन्। आन्तरिक मामिला तथा कानुनमन्त्री शालिकराम जमकट्टेल, सामाजिक विकास मन्त्री युवराज दुलाल र उद्योग, पर्यटन वन तथा वातावरण मन्त्री अरुण नेपालले राजीनामा दिएका हुन्।