काठमाडौँ। चर्चित मोडल तथा अभिनेता निराजन प्रधान यतिबेला निकै व्यस्त देखिएका छन्।
निराजन फिल्मसँगै म्युजिक भिडियोमा पनि सक्रिय देखिएका हुन्। उनी अहिले एक नयाँ म्युजिक भिडियो ‘बोलन केही त’ मा व्यस्त रहेका छन् उनीसंगै अभिनेत्री कुसुम गरुङ पनि देखिने भएकी छन्।
यस म्युजिक भिडियोका निर्देशक उमेश गुरुङ हुन भने गायक डम्बर नेपाली हुन्। लामो समयदेखि म्युजिक भिडियो तथा बिज्ञापनहरुमा देखिदै आएका निराजनले सयौं म्युजिक भिडियोमा अभिनय गरिसकेका छन् भने विभिन्न चलचित्रमा अतिथि भूमिकामा आफ्नो अभिनय प्रस्तुत गरिसकेका छन्।
हालै निराजन ‘बोटलर्स नेपाल’को उत्पादन ‘स्प्राइट’को टि।भी।सी विज्ञापनमा एक वर्षसम्मका लागि देखा पर्दैछन्। लामो समयदेखि म्युजिक भिडियोमा अत्याधिक व्यस्त मोडलको परिचय बनाएका प्रधानले आफ्नो करिअरको ८ वर्षमा एक हजारभन्दा बढी भिडियोमा अभिनय गरिसकेका छन्।
यस्तै ‘कहानी तिम्रो मेरो’ फिल्मको मुख्य भूमिकामा निराजन प्रधान र अभिनेत्री केकी अधिकारी अनुबन्ध भएका छन्। दर्शकहरुबाट धेरै रुचाइएका कारण उनले एकमाथि अर्को अवसर पाउँदै आएका छन्।
हरेक अवसरलाई उनले अनुभव हासिल गर्दै निखारिएको अभिनय प्रस्तुत गर्ने दरिलो मंचको रूपमा लिएको स्पष्ट देख्न सकिन्छ। उनले अहिले सम्म लोकप्रिय निर्देशक तथा नयाँ पुस्ताका अभिनेत्री र मोडलहरुसँग काम गरिसकेका छन्।
