काठमाडौँ। लियोनेल मेस्सीको एकमात्र गोलमा बार्सिलोनाले लेभान्तेमाथि संघर्षपूर्ण जीत हासिल गरेको छ । खेलको ७६ औँ मिनेटमा मिनेटमा कप्तान मेस्सीले गरेको गोल निर्णायक बन्यो ।
बार्साका लागि मार्टिन ब्राथवेट, क्लेमेन्ट लेंग्लेट, जोर्डी अल्बा र एन्टोनी ग्रिजमानको प्रहार गोलकिपर एइटोर फर्नान्डेजले विफल बनाएका थिए ।जीतसँगै बार्सिलोना लिगको आठौँ स्थानमा उक्लिएको छ । शीर्ष स्थानमा रहेको सोसिडाडभन्दा बार्सिलोना ९ अंकले पछि रहेको छ । यद्यपि, बार्साले दुई खेल कम खेलेको छ ।
आइतबार नै भएको खेलमा सोसिडाड ईबारसँग १–१ को बराबरीमा रोकियो । रियल बेटिसले पनि भिल्लेरियालसँग १–१ को बराबरी खेल्यो भने ग्रानाडाले ईल्चेलाई १–० गोलले हरायो ।
