नेपाली कांग्रेस केन्द्रीय समितिको बैठक चौथो पटक सर्यो


काठमाडौँ। प्रमुख प्रतिपक्षि दल नेपाली कांग्रेस केन्द्रीय समितिको बैठक चौथो पटक पनि सरेको छ।

आइतबार केन्द्रीय कार्यालय मुख्य सचिव कृष्णप्रसाद पौडेलले विज्ञप्ति जारी गर्दै बैठक २७ कात्तिकमा बस्ने गरी सारिएको जानकारी दिए। उपसभापति विमलेन्द्र निधि र नेता कृष्णप्रसाद सिटौलाका सुरक्षाकर्मीमा कोरोना संक्रमण देखिएपछि उनीहरु होम आइसोलेसनमा रहेकाले बैठक सारिएको मुख्यसचिव पौडेलले जानकारी दिए।

यस अघि नेताहरुलाई कोरोना देखिएपछि १९ असोजबाट २५ असोजका लागि बैठक सारिएको थियो। २५ असोजमा पनि केन्द्रीय समिति बैठक बस्न सकेन। त्यसपछि २१ कात्तिकमा बस्ने गरी बैठक बोलाइएको थियो। पार्टीमा सहमति नभएपछि २१ कात्तिकका लागि बोलाइएको बैठक २४ कात्तिकका लागि सारिएको थियो।