काठमाडौँ। विश्व स्वास्थ्य संगठन (डब्लूएचओ) का प्रमुख टेड्रोस अधानोम घेब्रेसियसले आफूलाई सेल्फ क्वारेन्टिन गरेका छन्।
५५ वर्षीय घेब्रेसियस एक कोरोनासंक्रमित व्यक्तिको सम्पर्कमा आएका थिए। उनले आफ्नो स्वास्थ्य अवस्था ठीक रहेको र कुनै लक्षण नदेखिएको जानकारी दिएका छन्।
हालसम्म विश्वभर ४ करोड ६८ लाख ९ हजार २५२ जना कोरोनाभाइरसबाट संक्रमित बनिसकेका छन् भने १२ लाख ५ हजार १९४ जनाले ज्यान गुमाइसकेका छन्। ३ करोड ३७ लाख ५३ हजार ७७० जना ठीक पनि भएका छन्।
संक्रमणको हिसाबले अमेरिका सबैभन्दा शीर्ष स्थानमा रहेको छ भने भारत र ब्राजिल दोस्रो र तेस्रो स्थानमा रहेका छन्। त्यसपछि क्रमशः शीर्ष दश स्थानमा रुस, फ्रान्स, स्पेन, अर्जेन्टिना, कालम्बिया, बेलायत र मेक्सिको रहेका छन्। साभारः दैनिक भास्कर
