काठमाडौँ। सञ्चारकर्मी तथा गायक राजेश बर्देवाको संगीत संयोजनमा ‘दिलको राजधानी’ बोलको आधुनिक गीत बजारमा आएको छ।
पछिल्लो समयमा युवाहरु संगीत संयोजन (एरेञ्ज) प्रतिको आक्रषण बढ्दो छ। त्यतिमात्रै होईन युवाहरुले एरेञ्जमा आफ्नो नयाँ पन र फरक धार सिर्जना गर्न सफल पनि भएका छन्। यसै क्रममा बर्देवाको उपस्थिति पनि जोडदार देखिन्छ।
उक्त गीतको शब्द तथा संगीत निमार्ण कृष्ण कडेल (मित्र)ले गरेका छन्। लोकप्रिय गायिका विन्दु परियार र विक्रम परियारको युगल आवाजमा सजिएको उक्त गीतमा नायिका शिल्पा पोखरेल, दुर्गेश थापा र रविन्द्र लामाको अभिनय देख्न सकिन्छ।
प्रकाश खड्काले गीतका दृश्यहरु क्यामेरामा कैद गरेका छन् भने गीतको म्युजिक भिडियो मिलन विश्वकर्माले सम्पादन गरेका छन्। गीत गायक बर्देवाको आधिकार युट्युव मार्फत सार्वजनिक गरिएको हो।
भिडियो हेर्नुहोस्
