काठमाडौँ। लोकप्रिय गायक राजु परियारको स्वरमा ‘दशैं होइन दशा’ बोलको गीत सार्वजनिक भएको छ।
जसमा गायका मोडल मुस्कान घिमिरे, प्रेम शर्मा पौडेल, किशोर पाण्डे र बालकलाकार प्रिसिला शर्मा अनि राहुल जोशीको अभिनय रहेको छ। सागर शर्माको शब्दमा तयार पारिएको उक्त गीतमा दशैं सबैका लागि दशैं नबन्न सक्छ। दशामा परिणत पनि हुन सक्छ।
दशैंले कुनै कुनै नेपालीहरुको विगतलाई बल्झाउने गरेको सन्देश समावेश गरिएका छन्। साहुले घरखेत कब्जा गरेको, लैनो भैसी गोठबाट तानेर लगेको, ऋणले ढुबेको कुराहरु गीतमा समावेश छन्। गीतको म्युजिक भिडियोको छायांकन तथा निर्देशन दिपक जोशीको रहेको छ। त्यस्तै सम्पादन सदिश जोशीले गरेका छन्।
