‘मुस्कुराउँदै मेरा यी अंगअंगमा…’


गजल

मुस्कुराउँदै मेरा यी अंगअंगमा समाएका छौँ।
सपना रैछ ब्युँझिए, आँसु बनी रसाएका छौँ।

दूध चुस्ने, भात ओकल्ने, थियो तिम्रो बानी।
सोच्दैछु प्रवासमा के खाएर अघाएका छौँ ?

तिम्रो सम्झनाले बारम्बार, रुवाईरहन्छ यता।
त्यो बिरानो ठाउँ,खाना त टन्न खाएका छौँ?

यो गाँउघर ,पाँखा र पखेरो तिम्रै पर्खाइमा छ।
दशैँतिहार नि मनाउनुछ टिकट त पाएका छौँ ?

अब अन्तिम श्वाससम्म साथ रहनेछ पारुको ।
लाग्छ मेरै निम्ति हरसंघर्षमा मन लगाएका छौँ।

पार्वती अधिकारी (पारु)
बुढानिलकण्ठ, काठमाडौँ