काठमाडौँ। गत चैत्र २८ गते प्रदर्शनको मिति तय गरेको चलचित्र ‘प्रेम गीत ३’ कोरोना भाइरसका कारण स्थगित भएको थियो। निर्माण पक्षकाअनुसार बहुप्रतिक्षित चलचित्र ‘प्रेम गीत ३’ आगामी चैत महिनामा रिलीज हुनेछ।
विश्वव्यापि रुपमा फैलिएको कोरोना भाइरसको सम्भाबित जोखिमलाई लक्षित गरि सरकारले गत चैत्र ११ गतेदेखि लकडाउन जारी गरेको थियो। त्यसै कारण चलचित्र ‘प्रेम गीत ३’ आफ्नो प्रदर्शित मितिमा दर्शकमाझ पुगेन।
‘प्रेम गीत ३’ मा युवा स्टार प्रदिप खड्का, लोकप्रिय कलकार माओत्से गुरुङ, त्यसैगरी नव नायिका क्रिस्टिना गुरुङ, मनिष राउत, शिव श्रेष्ठ, सुनिल थापा, सन्तोष सेन, पुस्कर कार्की, प्रेम पुरी, लक्ष्मी वर्देवा, बालकलाकार अनुभव रेग्मीलगाएतको अभिनय रहेको छ।
नायक खड्का र नायिका गुरुङलाई भने चलचित्रको मुख्य भुमिकामा देख्न पाईने छ। उक्त चलचित्रमा सन्तोष सेन र छेतेन गुरुङको संयुक्त निर्देशन रहेको छ भने भुपेन्द्र अधिकारीको सम्पादन रहनेछ।
