सुर्खेत। कर्णाली प्रदेशमा थप ३७ जनामा कोरोना भाइरस (कोभिड १९) को संक्रमण पुष्टि भएसँगै संक्रमित हुनेको संख्या सात सय नाघेको छ। कर्णालीमा बुधबारसम्म संक्रमितको संख्या ७०८ पुगेको छ।
सुर्खेतस्थित प्रदेश अस्पताल र पशुपन्छी रोग अनवेषण केन्द्रको प्रयोगशालमा भएको परीक्षणबाट थप ३७ जनामा कोरोना पुष्टि भएको हो। थपिएका संक्रमितमध्ये दैलेखका २५ जना, सुर्खेतका ९ जना र जाजरकोटका ३ जना रहेका छन्।
दैलेखको डुङ्गेश्वर गाउँपालिका वडा नं १, २, ३, ४ र ५ का २३ जना पुरुष र २ जना महिला रहेका छन्। सुर्खेतको बराहाताल गाउँपालिका ४, का एकजना पुरुष, गुर्भाकोट नगरपालिका १२ का दुईजना महिला १४ नम्बरका चारजना पुरुष र एकजना महिला रहेका छन्।
सिम्ता गाउँपालिका ३ का एक पुरुष रहेका छन्। त्यस्तै जाजरकोट छेडागाड नगरपालिका–१२ का दुईजना पुरुष, शिवालय गाउँपालिका १, का एकजना पुरुष रहेका छन्।
