काठमाडौँ। नेपाल-भारत सीमा क्षेत्रबाट उद्धार गरिएका नेपालीहरु बोकेको टिपर कालिकोटको नरहरीनाथ गापाको लालिघाटमा दुर्घटना भएको छ। ना ८ ख ५१३३ नम्बरको टिपर बुधबार दुर्घटना भएको हो।
टिपरमा करिब ३९ जना सवार रहेको उक्त टिपर लालीघाटमा दुर्घटना भएको हो। टिपर नदीमा खसेको र दुर्घटनास्थलमा नेपाली सेना र प्रहरीहरुको टोली उद्धारमा खटिएको छ।
उनीहरू कहाँकहाँका हुन् भन्ने खुलेको छैन। उनीहरूलाई सीमाबाट उद्धार गरेर क्वारेन्टाइनमा राख्नका लागि लिएर जाँदै गरिएको बताइएको छ। थप विवरण आउन बाँकी रहेको छ ।
