शेरबहादुर सुनारलगायत अभियन्ताहरु (एनआरएनए) एवार्डबाट सम्मानित


काठमाडौँ। बेलायतबाट एनआरएनए अभियन्ताहरु शेर बहादुर सुनार र राजेन्द्र पुडासैनी एनआरएनए एवार्ड २०२० बाट सम्मानीत भएका छन्।

कोरोना भाइरस (कोभिड-१९) महामारीमा मानविय सेवामा लागेका सुनार समाजसेवीका साथै एनआरएनए यूकेका निबर्तमान उपाध्यक्ष हुन् भने पुडासैनी पेशाले एनएचएसको फ्रन्ट लाइनमा कार्यरत बरिष्ठ (सिनियर ) नर्स हुन्।

बेलायतमा आफ्नो नियमित काम गरेर पनि कोरोना महामारीबाट नेपाली समुदायलाई जोगाउन समाजसेवामा उल्लेखनिय भूमिका निर्वाह गरेकोले यी दुइ समाजसेवीहरुलाई भर्चुअल सम्मान गरिएको जनाइएको छ।

प्यरामाउन्ट मिडिया प्रालि द्वारा सञ्चालीत ट्वान्टी फोर न्यूज प्रेस डटकमको दोस्रो वार्षिकोत्सवको अवसर पारेर  आइतबार एनआरएनए आईसिसी अध्यक्ष कुमार पन्तको प्रमूख आतिथ्यमा बृहत भर्चअल अन्तरक्रियात्मक कार्यक्रम् सम्पन्न भएको थियो । उक्त कार्यक्रममा विभिन्न क्षेत्रका यस विषम् परिस्थितिलाई मध्यनजर गर्दै सामाजिक कार्यमा सर्वोत्कृष्ट काम गर्नेहरुलाई २४ न्यूज प्रेस डटकमको तर्फवाट अवार्डका साथ सम्मान गरिएको थियो।

सोहि अवसरमा वर्तमान कोरोना माहामारीको जटिल परिस्थितिलाई ध्यान दिदै भिडियो मार्फत प्रवासमा रहेका नेपालीको अवस्था, विभिन्न संघसंस्थाले खेलेको भूमिका, विशेष गरि एनआरएनएले गरिरहेको गतिविधी तथा आगामी कार्ययोजना लगायत विषयवस्तुमा केन्द्रित रहेर एक भिडियो कन्फेरेन्स गरि सम्पन्न भएको जनाइएको छ।

विदेशमा कोभिड प्रभावित नेपालीको अवस्था र एनआरएनएले खेलेको भूमीका, कोभिडले नेपाली श्रमिकलाई पारेको प्रभाव र रोजगारीको सवाल, स्वदेश फिर्ताको सवाल र नेपाल सरकारले चाल्नुपर्ने कदमहरुको बारेमा छलफल भएको थियो। कार्यक्रममा प्रमूख अतिथि एनआरएनए अध्यक्ष पन्तले विश्व नै नोबेल कोरोना भाईरस (कोभिड १९) बाट थलापरिरहेको बेला विदेशमा रहेका समस्यामा परेका हरेक नेपालीहरुको समस्यालाई मध्यनजर गर्दै राहत देखि उद्धारका कामहरुमा आईसिसी भरपुर लागिरहेको र यस गम्भिर अवस्थामा सम्पूर्ण तह र तप्काबाट लागि पर्नु पर्ने जोड दिनुहुदै अलपत्र नेपालीको उद्धारका लागि नेपाल सरकार संग समन्वय गरि छिटै पहल गर्ने बताए।

कार्यक्रममा विषेश अतिथिको रुपमा गोविन्द (आचार्य अध्यक्ष नेपाल पत्रकार महासंघ) मन केसी (उपाध्यक्ष एनआरएनए अमेरिकाज क्षेत्र) डा. केशव पौडल एनअरएनए अमेरिकाको पूर्व अध्यक्ष तथा चिकित्सक) एनआरएन आई सी सी मानर्थ सदस्य अभिमन्यु बस्नेत, चिरञ्जीवी घिमिरे (एनआरएनए क्यानडा अध्यक्ष) यूरोप क्षेत्र चिन्ता मणि सापकोटा (स्पेन एनआएनए आईसिसी सदस्य) तिलक गैरे (एनआरएनए पोर्चुगल अध्यक्ष )संयोजक मध्यपूर्व प्रविण गुरुङ कतार, एनआरएनए मध्यपूर्व मनोज गोर्खाली (यूएई एनआरएनए एसिया क्षेत्रीय सहसंयोजक अफ्रिका क्षेत्र) सुरज डुम्रे एनआरएनए केन्या अध्यक्ष ) पारसमणी पोखरेल (जापान एनआरएनए एसिया क्षेत्रिय सहसंयोजक) खगेन्द्र न्यौपाने मलेसिया एनआरएनए एसिया क्षेत्रीय सहसंयोजक) यदु लामिछाने एनआरएनए उपाध्यक्ष कोरिया, रहेको उक्त कार्यक्रममा सबै अतिथिहरुले विश्वलाई चुनौति दिईरहेको (कोभिड १९) ले निम्त्यायका रहेक चुनौतिलाई समना गर्न हरेक क्षेत्रबाट लाग्नु पर्ने बताएका थिए ।

कार्यक्रमको सञ्चालन एपिवान टेलिभिजनका वरिष्ट कार्यक्रम सञ्चालक मोहराज शर्मा र ट्वान्टि फोर न्यूज प्रेसका सञ्चालक विनय अधिकारीले गरेका थिए भने प्रविधि तर्फको सहजीकरण एसआई यूके का मार्केटिङ म्यनेजर विराज सिग्देलले गरेका थिए।

साभारः हिमायल मेल