काठमाडौँ। राष्ट्रिय पर्यटन पत्रकार संघ (नाटोज)ले पत्रकारहरूलाई माक्स र सेनिटाईजर वितरण गरेको छ। कोरोना महामारीबीच रिपोर्टिङमा खटिने पत्रकार साथीहरूको सुरक्षा र सहजताका लागि आज संघका केन्द्रीय अध्यक्ष शिव अधिकारी (अविरल) ले वितरण गरेका हुन्।
सामाजिक दुरी कायम गर्दै नक्साल स्थित नारायण चौरबाट छापा, अनलाइन, रेडियो, पर्यटन तथा टेलिभिजनमा कार्यरत पत्रकारहरुलाई गरिएको थियो। ३५ जना पत्रकारहरुलाई माक्स र सेनिटाईजर वितरण गर्दै संघका अध्यक्ष अधिकारीले आगामी दिनहरुमा अप्ठेरो परेका पत्रकार साथिहरुको फेरी पनि यो भन्दा बढी साथीहरुलाई माक्स र सेनिटाईजर उपलब्ध गराउने जानकारी दिए।
उनले भने– नाटोजले यो छोटो समयको सानो प्रयास भएपनि आगामी दिनहरुमा पत्रकारहरुलाई परेको अप्ठ्यारो प्रति गम्भिर छ, माक्स र सेनिटाईजरलगायत राहत पनि उपलब्ध गराउँछौं।
तस्बिर: मुकुन्द कालिकोटे
