काठमाडौँ। प्रधानमन्त्री केपी शर्मा ओलीले भारतलाई लिम्पियाधुरा क्षेत्रका बारेमा सत्यको जित हुन्छ कि हुन्न भनेर यक्ष प्रश्न गरेका छन्।
लिल्पियाधुरा क्षेत्र नेपालको भएको र त्यसलाई फिर्ता ल्याइछाड्ने दाबी गरेका छन्। तर, पछिल्लो समय जे लक्षण देखिएको छ, त्यसले सजिलो छैन भन्ने देखाएको भन्दै प्रधानमन्त्री ओलीले भारतलाई प्रश्न गरेका छन्, ‘सत्यमेव जयते कि सिंहमेव जयते?’
मंगलबार प्रतिनिधिसभामा सरकारको नीति तथा कार्यक्रममा सांसदहरुले उठाएको प्रश्नको जवाफ दिने क्रममा प्रधानमन्त्री ओलीलेभने, ‘लिम्पियाधुरा, कालापानी र लिपुलेकको विषय अब ओझेलमा पर्न नदिने बताए। ‘यसको निष्कर्ष निकालिन्छ। हाम्रो भू(भाग फिर्ता लिइछाड्छौं।’
तर भूमि फिर्ता सजिलो छैन भन्ने देखिएको भन्दै प्रधानमन्त्री ओलीले भने, भारतको एउटा प्रतिक चिन्ह छ भारत भनेर चिनिने। अशोकाले स्थापना गरेको चार मुखे सिंह। त्यसको मुनी सत्यमेव जयदेव लेखेको छ। म सोध्ने वाला सत्यमेव जयते कि सिंहमेव जयते’ उनले अघि भने, ‘नेपाल विश्वास गर्छ, सत्यमेव जयते । हामी हाम्रो भूमि फिर्ता गर्न सक्छौं किनभने सत्यमेव जयते।’
सत्यमेव जयतेको अर्थ
सत्यमेव जयतेको नेपालीमा अर्थ हुन्छ सत्य को नै विजय हुनेछ, असत्यको होइन। सत्यमेव जयते भन्ने आदर्श वाक्य मुण्डकोपनिषद्को ३.१.६ को मन्त्र हो। जसमा भनिएको छ:-
सत्यमेव जयते नानृतम सत्येन पंथा विततो देवयानः।
येनाक्रमंत्यृषयो ह्याप्तकामो यत्र तत् सत्यस्य परमम् निधानम्॥
जसको अर्थ हुन्छः ‘सत्य’ को नै विजय हुनेछ, असत्यको होइन। ‘सत्य’द्वारा नै देवताहरूको यात्रा (पथ) विस्तीर्ण भएको छ। आप्तकाम ऋषिगण त्यहीठाउँमा विद्यमान रहन्छन् जहाँ सत्य रहेको हुन्छ।
