काठमाडौँ। नेपालमा कोरोना संक्रमितको संख्या १४ पुगेको छ।
रौतहटमा एक युवकमा कोरोना भाइरस (कोभिड-१९) को संक्रमण देखिएसँगै नेपालमा संक्रमितको संख्या १४ पुगेको हो। जिल्लाको इशनाथ नगपालिकाको क्वारेन्टाइनमा रहेका १९ वर्षीय पुरुषमा कोरोना संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता डा.विकास देवकोटाले बताएका छन्।
उनी गत वर्ष चैत १६ गते भारतबाट फर्किएको पाइएको छ। लकडाउनको समयमा मध्यरातमा घर आएका उनलाई स्थानीय तहले क्वारेन्टाइनमा राखेको थियो। क्वारेन्टाइनमा बसेकाहरूको २८ गते नमुना संकलन गरिएको थियो। जसमध्ये उनको रिपोर्ट पोजेटिभ आएको छ।
उनीहरु मध्ये पहिलो संक्रमित एक निको भइसकेका छन्। अरुको उपचार भइरहेको छ। विश्वमा कोरोनाबाट मृत्यु हुनेको संख्या एक लाख १४ नाघेको छ। त्यस्तै १८ लाखबढी मानिस कोरोनाबाट संक्रमित बनेका छन्।
