काठमाडौं। सार्वजनिक बसमा अश्लील क्रियाकलाप गर्ने युवकलाई एक वर्षपछि प्रहरीले नियन्त्रणमा लिएर सार्वजनिक गरेको छ। महानगरीय प्रहरी अपराध अनुसन्धान महाशाखाको टोलीले सोमबार भरतपुर महानगरपालिका विकास चोकका २१ वर्षीय रबिन सार्कीलाई प्रहरीले नियन्त्रणमा लिएको हो।
सार्कीको च्याटहरु अनुसन्धान गर्दा उनले नै बसमा अश्लील क्रियाकलाप गरेर भिडिओ अपलोड गरेको देखिएको महाशाखाका एसएसपी सहकुल थापाले बताए। काठमाडौंमा रिक्सा चालकका रुपमा काम गरेका सार्कीले पैसाका लागि बसमा हस्तमैथुन गरेको भिडिओ बनाएर अपलोड गरेको अनुसन्धानबाट खुल्न आएको उनले बताए।
उक्त भिडिओ अश्लील साइटमा राखेर पैसा आउँछ भन्ने सोचका साथ उनले यस्तो हर्कत गरेको देखियो,’ थापाले भने। सार्कीले उक्त भिडिओ साउनमा बनाएको र मंसिरमा अपलोड गरेका थिए। उक्त भिडिओ भाइरल भएपछि सार्की भारत भागेको प्रहरीले बताएको छ। उनी फेरि नेपाल आएको सूचना प्राप्त भएसँगै उनलाई चितवनबाट पक्राउ गरिएको हो।
मुलुकी अपराध संहिताले सार्वजनिक स्थानमा यौनाङ्ग देखाउन तथा कसैलाई अश्लील गालीगलौज गर्न निषेध गरेको छ। कसूर गर्ने व्यक्तिलाई छ महिनासम्म कैद वा पाँच हजार रुपैयाँसम्म जरिवाना वा दुबै सजाय हुने व्यवस्था छ।
भिडियोमा के छ ?
भिडियो दुई मिनेट २० सेकेन्डको छ। अश्लील भिडिओ राख्ने वेबसाइटमा राखिएको भिडिओ पछि सामाजिक सञ्जालमा भाइरल बनेको थियो। भिडिओमा ‘यो गाडी उताबाट जान्छ नि’ ‘हिँड्नै मन लागेको छैन। अघि त डल्लु पुलबाट गाडी चढेको‘, ‘यो गाडी टेकु जान्छ है?’ भनेको आवाज सुनिन्छ।
गाडी चलेको हुँदैन। भिडियोमा केटाको अनुहार देखिएको हुँदैन तर ज्याकेट र खैरो ट्राउजरमा चप्पल लगाएको देखिन्छ। गाडीभित्र बसेका ती युवक अश्लील हर्कत गर्दै हस्तमैथुन गरी वीर्यपतन गरिरहेको देखिन्छ।
दोस्रो र तेस्रो भिडिओमा युवकको हर्कत त्योभन्दा बढी देखिन्छ। एउटा भिडियोमा उनले आफूभन्दा अगाडिको सिटमा बसेकी युवतीको टाउकोतिर लक्षित गरी वीर्य झार्छन्। अर्को भिडिओमा त झन् युवतीको कपालमा नै पर्ने गरी वीर्य फालेको देखिन्छ।
