काठमाडौँ। सर्जक रुवी पोखरेलको पहिलो गीती एल्बम ‘रुवी’ मा समावेश ‘आँसु’ बोलको आधुनिक गीत बजारमा आएको छ। राजधानीको बागबजार स्थित हेलो क्याफेमा म्युजिक खबरको संयोजनमा उक्त गीतको म्युजिक भिडियो सार्वजनिक गरिएको हो।
कार्यक्रममा वरिष्ठ पत्रकार शान्ति प्रिया, गीतका संगीतकार शुनिल मास्के, गीतकार पोखरेल प्राश्ना शाक्यका साथै विभिन्न मिडियामा कार्यरत पत्रकारहरुको उपस्थिति रहेको थियो। पत्रकारलाई नै कार्यक्रमको प्रमुख अथितिका रुपमा सम्बोधन गरिएको थियो।
कास्की पोखराकी गीतकार पोखरेल हाल हंकङ बस्दै आएकी छन्। उनको पहिलो गीत ‘आँसु’ को संगीत र्सिजना शुनिल मास्केले गरेका हुन्। गायिका प्राश्ना शाक्यको स्वर रहेको उक्त गीतको म्युजिक मिडियोको निर्देशक युवराज वाइवाले गरेका छन्।
उत्सव दाहालले गीतका दृश्य कैद गरेका हुन् भने विकास दाहालले म्युजिक भिडियो सम्पादन गरेका हुन्। गीतमा जीवन भट्टराई र इष्तु कार्कीको अभिनय देख्न सकिन्छ।
