काठमाडौँ। आजबाट ३४ वर्षमा प्रवेश गरेकी छिन्। सन् १९८६ जनवरी ५ मा उनी डेनमार्कको कोपेनहेगनमा जन्मिएकी हुन्। दीपिका चलचित्रमा आउनु भन्दा अगाडि ब्याडमिन्टन खेलाडी थिइन्। उनै, दीपिकाले चलचित्रमा आउनु अगाडि म्यूजिक भिडियोमा काम गरेकी थिइन्।
सन् २००७ मा रिलिज भएको चलचित्र ‘ओम शान्ती ओम’मा काम गरेपछि दीपिकाको बलिउड यात्रा सुरु भएको हो। यो चलचित्र बक्स अफिसमा हिट मात्र भएन, दीपिकाको कामको तारिफ पनि भयो। यसपछि, भने दीपिकाले पछाडि फर्किएर हेर्नुपरेको छैन।
यसपछि, दीपिकाले करिब २५ वटा चलचित्रमा काम गरिसकेकी छिन्। बलिउडमा करिब १३ बर्ष लामो यात्रामा दीपिकाले सफलताको झन्डा नै गाडेकी छिन्। ‘रामलिला, बाजिराओ मस्तानी, पद्यमावत’ जस्ता चलचित्रमा दीपिकाले गरेको अभिनयको प्रशंसा पनि खुबै भयो।
दीपिकाले नायक रणवीर सिंहसँग गतबर्ष बिहे गरेकी हुन्। दीपिका र रणवीर करिब ६ बर्ष भन्दा बढी समय प्रेम सम्बन्धमा थिए। दीपिका अहिले चलचित्रको निर्मात्री समेत बनिसकेकी छिन्। उनले अभिनय तथा निर्माण गरेको चलचित्र ‘छपाक’ आउँदो शुक्रबारदेखि रिलिज हुँदैछ। दीपिका अहिले यही चलचित्रको प्रमोशनमा बढी व्यस्त छिन्।
