पोखरा। पोखरा महानगरपालिका–१२ मौजामा सडक खन्ने क्रममा माटोको ढिस्कोले पुरिएर सल्यानका पाँच मजदुरको ज्यान गएको छ। ज्यान गुमाउनेमा सल्यानको बागचौर नगरपालिका–४, पेदीखोलाका जीतबहादुर बस्नेत, खिमलाल वली, गणेश वली, तोवान बस्नेत र जोगेन्द्र बुढाथोकी छन्।
उनीहरू पोखराको मणिपाल अस्पताल–रयालेचौर–मौजा बिसौना–सिक्लेस–मनाङ सडकखण्डमा गत भदौंदेखि काम गर्दै आएका थिए। घटनास्थलमै रहेका वडाअध्यक्ष सिमबहादुर गुरुङका अनुसार सबैको शव ढिस्कोबाट निकालिएको छ।
