राप्रपाद्वारा उम्मेदवार सिफारिस


काठमाडौँ। आगामी मंसिर १४ का हुने उपनिर्वाचनका लागि राष्ट्रिय प्रजातन्त्र पार्टी (राप्रपा) ले उम्मेदवार सिफारिस गरेको छ। पार्टीले वडा तहको टिकट दिने अधिकार जिल्ला कार्यसमितिलाई प्रदान गरेको छ। त्यस्तै गाउँपालिका र नगरपालिकाको उम्मेदवारको टिकट सम्बन्धित जिल्ला कार्य समितिको सिफारिसमा प्रदेश कमिटीले दिने निर्णय गरेको छ।

राप्रपाले भक्तपुर जिल्लाको क्षेत्र नम्बर १ ‘क’ मा माधव खत्री, राममणि न्यौपाने, वुद्धि कुमार प्यासी, बिष्णु प्रसाद तिमल्सिना ,गोकुल खड्का र शिबराज केसीको नाम सिफारिस गरेको छ।

यसैगरी दाङ क्षेत्र नम्बर ३ ख मा भुपाल रावतको नाम सर्वसम्मत सिफारिस गरिएको छ भने बाग्लुङ–२ ‘ख’ मा गणेश कुँवर सर्वसम्मत उम्मेदवार बनेका छन्। उपनिर्वाचनको सबैभन्दा चर्चामा रहेको कास्की क्षेत्र नम्बर २ मा डा.भिमसेन गुरुङ, रोम बहादुर भण्डारी, जयलाल पुन, कृष्णबहादुर अधिकारी र इन्दिरा शाहीको नाम सिफारिस गरेको छ।