दैलेख। दैलेखको गुरासेँ गाउँपालिका वडा नम्बर ४ मुग्रामा हाइस दुर्घटना हुँदा तीन जनाको घटना स्थलमै मृत्यु भएको छ। सुर्खेतदेखि दैलेख आउँदै गरेको भे १ ज १०२९ नम्बरको हाइस दुर्घटना हुँदा तीन जनाको मृत्यु भएको प्रहरीले जानकारी दिएको छ।
शुक्रबार बिहान भएको दुर्घटनामा घटनास्थलमै ३ जनाको मृत्यु भएसँगै ७ जना घाइते भएका छन्। घाइतेहरूको रानीमत्ता प्रहरी चौकीबाट पुगेका प्रहरी र स्थानीयहरुले उद्धार गरिरहेका छन्। दुर्घटनाबारे पूर्ण विवरण आउन बाँकी रहेको जिल्ला प्रहरी कार्यालय दैलेखका डीएसपी हरि वलीले बताए।
दुर्घटनामा बालबच्चा सहित अन्य १३ जना घाइते भएका छन्। घाइतेको उद्धार गरी उपचारका लागि सुर्खेत पठाइएको डीएसपी वलीले जानकारी दिए।
